Celi svet je ponorel, pa i Ameri

Zagorska promišljanja

Še nisem praf otklenul vrata na kleti v Trnovcu, a z brega se počel spuščati Božek s diplomatskim kolima. Je praf ste prešteli, z diplomatskim autom v Zagorju na bregu. Tak veliju pri nas za auto kaj na sebi nima nikakve registarske tablice. Ni prešlo ni deset minut, a z jarka  na breg je došel Dragec. Tu pri moji kleti smo se našli kak vinski brati, kak pravi sosedi. Ih pitam: „Kaj bute pili, starinu ili još mutni mošt?“ Veli Božek: kaj imaš još starega vina? Kak ne Božek, za nas tri se bu još našlo. Onda daj nam starinu javi se Dragec. Božek pak veli: svet je ponorel, ne vem kaj bu to? Delam i delam, zmučen sam, a za kaj? Za onih par kuna kaj dobim kak ti plaću. Zdelan sam, zmočen sam, ne bu tak dugo išlo. Dok sam ja potakal vino, Dragec se okrenuk k Božeku i veli mu: Kaj godrnjaš? To še je vse dobro. Lahko bu še gorše, nek je zdaj. Lahko dobimo koronu, i kaj onda? Kakva vražja korona, ja se ne bojim korone, odvrne mu Božek. Ja ih potem pitam, kaj velite za američke izbore? Veli Božek, polehko zamuckujući: Meni si dopal onaj, kak se ono zove…. Bay Bay den. Kakev Bay bay den, sem mislil da si ti za Trampa preseče ga z rečmi Dragec. Na to se oglasim ja i velim: „Bay, bay den“, to po naški, po zagorski znači: „ Ode ti den“. Zgubil si den. Nisi niš delal, i den je prošel. I da se napravim pameten velim: „po latinščini se veli: „ Diem perdidi“ ili „Zgubljen dan“. Če bu Bay, bay den došel v Zagorje bumo ga zvali Zgubidan. Se nas ne bu razmel. Naj noreti, kaj si i ponorel veli na to Božek.

Starček, pa predsednik

Malo smo si spili i postali smo še žešći i glasneši v spominkami. Veli Dragec: „ Ne vem kdo je predložil, i  i sa smehom se obrne telom k Božeku, Bay, bay dena za predsednika. Taj je čistam znorel. Te že je na pleča nabil 77. let. Koga bu on vodil? Ja mu ne bi dal svojeg traktora v ruke da mi poore pol rali grunta. Jer nebi bil siguren, i znal, če me je dobro čul i razmel. Pa, človek je v tim letima  dementan, gluh, slabeše vidi i ni več za nikaj. Ni za traktor, ni za v trsje, ni za vrta delati, a borme nemre praf za praf voditi ni svoju domačiju. Morti još komaj more z metlom mahati za kokošima  po dvorišču. Se to ni važno, veli Božek. Se ne bu on oral, kaj je tebi? Morti ni pluga ni videl v svom življenju. Kolko se razmem ja v politiko, pomagala bo mu ona črna ženska, ona vragometna. Bolše bi bilo da Tramp pobedi veli Dragec. On je veseljak, če treba, on zapleše. Si ga videl na telki, kak čaga? Ja nisam štel biti samo tiho i piti pomalo, pa sem se i ja vključil v spominke. Dečki ste čuli da Tramp ima v Zagorju, v Gornjoj Pačetini sestru. Kog vraga? Naj noreti, javi se Božek. Kaj bumo mi Zagorci še i Ameriki dali predsednika. Kaj ni dosta, kaj smo ko čistam mali kraj dali Jugy Jožeka Broza, a „slučajnoj Hrvatskoj“ kak veli oni Dalmoš, Milanović, Franceka. Je bormeš, či je Tramp Zagorec i ja bum na njegovoj strani. Ali ne ide mi v glavu Dragec, kak se taj stari Bay bay den  odločil da bu prvi človek v Ameriki? Kaj nimaju nikoga mlajšeka? Vidiš naš sosed Jura ima 72 leta na plečah i vse je prepustil deci. Rekel je: nek delaju, moje vreme je prešlo. Ja sam se dost nadelal. Ja se bormeš ne bi ni z Bay bay denom vsudil popeljati do Zaboka. Si videl bokček teško hodi, a vrag si ga zna, či zna dobro popeljati malo stareši auto bez tablic?

Bay den katolik  

Sem prečital na internetu da je Bay den ( Zgubidan ) katolik. Ni protestant, ni pravoslavec. Na to mi od prve odvrne mudro Dragec. Velka bu korist, velki hasen za Amere od tega kaj je on katolik. Isto takva, kak je bila korist to kaj su Jožu Broza krstili v Tuhlju i bil je po krščenju katolik. Kaj pa je on napravil za nas Zagorce katolike? Nič! Samo štetu. Mi je povedal stari Zvonko, Bog mu daj duši lehko, da je Joža Broz dal zrušiti v Kumrovcu lepu kapelu svetega Roka na bregu. I v zamenu za tu zrušenu kapelu je dal v nekoj grabi na početku Kumrovca napraviti drugu kapelu. Norec, kaj pa mu je smetala?. Se ti Dragec ne veš kaj je istina, odvrne hitro Dragecu Božek. Dal ju je zrušiti jer ni pasala uz njegov socijalistički ljetnikovec. To nikak nemre skup petokraka i križ. Pusti Jožu Broza prigovoril je Dragec. Spominamo se o Trampu i Bay denu ( zgubidanu ). I obrne se Dragec k meni pa me pita: Znaš li ti, a trebal bi znati, jel Zgubidan ide v cirkvu? Ja sem čul i prečital da ide k maši v jenu kapelu gotovo saku nedelju. Božek že fajn „moker“ od pijače, od stareg vina, veli: velka je korist od tega kaj on hodi k maši. Sem siguren da su mu vuha „ potumplana“, kak su negda negda tumplali cipele. Čuje, a ne čuje, ili čuje, a ne mari kaj je propovedal pop v toj kapeli.  Pripoveda se da je I Joža Broz nedeljom išel k maši v Tuhelj. Al ni vu cirkvu kak mladić htel vlesti. Vani se spominal, bantuval muže, i to se veli da je bil pri maši? Jenput je rekel, a to je zapamtil pokojni Zvonko, daj mu Bog duši lehko: „ Ja, ili bum postal svetski poznat, il bum krepal v nečijoj grabi“. I postal je bormeš svetski poznati bravar – političar.

Celi svet je ponorel

Na to pa se ja hitro oglasim. Niš pametnega ne vidiš, nit ne čuješ na tom svetu. Kak da su vsi znoreli. I pri nas v Lepoj našoj, je tak. Še morti gorše, nek pri Amerima. Nigdo već ne bi štel delati? Decu već ne zanima  škola, nečeju se vučiti. Malo stareše ne zanima trsje, ni traktor,  plug, ni oranje njive. Al si zato mi Zagorci rado spijemo oglasi se Dragec. To nam je vse v tom našem kratkem življenju. Ni me briga če bu pobedil Tramp, ili Bay den. Vem da, ak Tramp ima naše zagorske krvi ne bu dobro. Kak to misliš, pita ga Božek? Buš videl Božek da Tramp bez rešenja Vrhovnog suda Amerike se ne bu dal z bele hiže. On bu kak pravi Zagorec potezal parnicu za parnicom, dok stari Bay den ne vmre. A kad Bay den otegne papke i daju mu drveni kaput, Tramp bu prekinul vse parnice. Zakaj Dragec? Kaj si i ti ponorel? Pa ne bu sud vodil Tramp protiv mrtvega Joe Bay dena. V Ameriki je pravilo isto ko pri nas. Če si mrtev lahko glasaš, ali nemreš ići na sud i pokrenuti parnicu. Verješ v to Božek? Kak ne bi veroval? Pa pri nas isto vmrli, već odavna pokojni glasaju. Ja nis još ponorel, makar sem pijan. Ali grdo nam se piše, vsi bumo znoreli. Tak naprej nemre već iti. Celi svet je ponorel, pa i Ameri.